أنا كذا من غير ما اشرح لك الحال
جرحي مشرّع والعواصف تهلّه
ميّلت حزني .. مال بي ألف موّال
سيّلت دمعة .. وانبرى الدمع كلّه
كن الدموع تطيح مني .. وتختال
أو كنها لا حوّلت... مسفهلّه
ويوم اختنق في صوتي احساس رجال
صبيت له من ضيقة البال دلّه
كنت انتظر في صمت .. وبموت الامال
كتبت لغز وما تمكنت احلّه !
يا مهرتي : ما عاد للخيل خيّال
لو في يمينه سيف دايم يسلّه
والله مدري كيف هالحزن ينقال
لا ضاع من قلبي عيوني تدلّه
أكذب عليك ان قلت ما جا على البال
حزني .. واعرفه زين .. جا في محلّه
والبارحة صبري على وحدتي طال
حبله تعقد بي وحاولت افلّه
يا شينها لا صرت ظامي على جال !!
الريق ناشف وانت عاجز تبـلـّه
جرحي مشرّع والعواصف تهلّه
ميّلت حزني .. مال بي ألف موّال
سيّلت دمعة .. وانبرى الدمع كلّه
كن الدموع تطيح مني .. وتختال
أو كنها لا حوّلت... مسفهلّه
ويوم اختنق في صوتي احساس رجال
صبيت له من ضيقة البال دلّه
كنت انتظر في صمت .. وبموت الامال
كتبت لغز وما تمكنت احلّه !
يا مهرتي : ما عاد للخيل خيّال
لو في يمينه سيف دايم يسلّه
والله مدري كيف هالحزن ينقال
لا ضاع من قلبي عيوني تدلّه
أكذب عليك ان قلت ما جا على البال
حزني .. واعرفه زين .. جا في محلّه
والبارحة صبري على وحدتي طال
حبله تعقد بي وحاولت افلّه
يا شينها لا صرت ظامي على جال !!
الريق ناشف وانت عاجز تبـلـّه
زايد الرويس !!!
