الى اصحاب الخبرة بالدداسن -- ابو صالح والفارس والشاهين وابن الربيع .. تفضلو

[][][ قسورة ][][]

السلام عليكم ورحمة الله وبركاته


لفت نظري


اعلان بيع لداتسن 85


هل يعقل سعرها 20000 ريال ؟؟؟؟؟ :sm105: :sm105:


http://www.arabspc.net/upload/images/qwerty585558.jpg



فقلت نسأل اصحاب الخبرة .. :D :D :D :D :p :p :p :p


ههههه


سلامي للجميع

[ابن الربيع]

ددسن موديل 77 ساموها بـ 35 الف قبل شهرين ،، لا تروح بعيد الددسن حقت الفارس مايتنازل يبيعها باقل من 50 الف ... وعندكم الفارس اسالوه .

[التجاري]

ددسن الفين وخمسه 45 الف ريال فقط

كامل مواصفات دفرنشين غزاز تماتيك

للي يشتري يرسل رساله

[][][ قسورة ][][]

ههههههههه


معقول تجيب هذي الاسعار؟؟؟


لازم يسوو عليها مزادات دامت صارت من التراث


هههه

ولا لا يالفارس

[سحايب صيف]

هههههه

لا التجاري شغل عدل عنده

ما يفوت الفرص

[بدوي نت]

معقول جدا توصل لذا السعر اولا لانها مكيف
ثانيا لاحظ ان السيارة مخزنة يعني ما بعد استخدمت جديدة بس موضتها راحت

[الشاهين]

عيني على ددسن ذا اليومين إذا لقيتوا واحد معقول دلوني عليه


طبعا مو سيارة الشخصية فهي مخصصة للنقل الغاز والكشتة القريبة وإلا ايسوزو غمارتين ما يدخن

[][][ قسورة ][][]

لو تحب يا الشاهين اجيبلك رقم الرجل صاحب الاعلان

[الشاهين]

لالا هذا لو يبي قيمة الإعلان دفعنا له بس لا يتعودها يعلن مرة ثانية مين بيشتري بهذا السعر لا و 85 بعد

[الفــــــ1ـــــارس]

مشكور يا قسورة

والددسن شفته مرة عند باب الشاهين موديل 85 ............... فالشاهين أدرى وأخبر بقيمته هههههههه هههههههه

وإذا كان الددسن نظيف ومخزن يجيبها .

وقبل شهرين تقريبا شفت ددسن موديل 1967 في معارض الشفا بالرياض غمارة واحدة ...... بـــ 15 ألف ريال حد من راعيه .

.

[التجاري]

عيني على ددسن ذا اليومين إذا لقيتوا واحد معقول دلوني عليه


طبعا مو سيارة الشخصية فهي مخصصة للنقل الغاز والكشتة القريبة وإلا ايسوزو غمارتين ما يدخن


الله يسامحك يالشاهين ماعجبك عرضي


عندي ددسن ذا اليومين بس الضاهر ما تصلحلك

[أبو صالح]

بداية
السلام عليكم

أشكر للأخ قسورة دعوتي واستجداء خبرتي في هذا الموضوع

ولنبداء معا دراسة الجدوى الاقتصادية من تملك ددتسن 85 جديدة في النقاط التالية:
يبي يريحك من الوكيل
قابل للصيانة (وبالذات الميكانيكية) ولو على يد أصغر الأولاد بشرط أن يكون يقوى على فك الصواميل
قطع الغيار متوفرة ولا تصدقون كلامي والله في البقالات وهذا أنا شايفه بنفسي (راح الوكيل وطي)
أمتع وأحسن ما فيه أن كل شيء فيه يدوي (منول) صح كلمة منول يا شباب
بالنسبة للبنزين فلا تشرهون عليه (يحرق بنزين بزيادة)
الزيت طبيعي مثل سيارات هالوقت
وإن جيتوا للجد لوكنت أدور ونيت واللي في الإعلان جديد شريته دون تفكير لأنه عام 85 كان سعر الغمارتين مكيف حوالي 24000ريال بينما الآن سعر الونيت يتجاوز الخمسين بل الستين ألف ريال .
ولأن ونيتات الحين خكاريا وقلت حيا سواءاً تويوتا أو نيسان أو غيرها من شركات أمريكية أو يابانية

مع تحيات شريطي الشبكة العربية أبو صالح اللي عجز يبيع موتره

زوروا موقعي ولن تظركم الزيارة
http://www.arabspc.net/vb/showthread.php?p=144684#post144684